Offentleg ettersyn
Offentleg ettersyn skal sikre at offentlege organ, naboar, interesseorganisasjonar og andre får høve til å uttale seg om planforslaget før endeleg vedtak.

Planforslaget
Føremålet er å leggje til rette for vidare utvikling av næringsverksemd på Nygardsneset. Planen opnar for: 
· utviding av eksisterande næringsområde
· utviding av eksisterande kai
· etablering av flytebryggjer
· ny og trafikktrygg tilkomstveg til næringsarealet
· avklaring av naturfare
· behalde avkøyrsle til fritidsbustad på gbnr. 214/14

Planen legg til rette for om lag 13 700 m² næringsareal og kan potensielt gje 15–30 nye
arbeidsplassar

Ynskjer du meir informasjon?
Alle plandokument, tilhøyrande rapportar og vedlegg kan du finne på https://stad.kommune.no/politikk-og-organisasjon/innsyn/hoyringar/. Dersom de ønskjer ei utskrift av eitt eller fleire av dokumenta, kan de ta kontakt med Stad kommune på tlf. 57 88 58 00.

Merknader til planforslaget
Du har høve til å kome med skriftleg uttale til planforslaget. Til dømes om arealbruk, omsyn eller andre relevante opplysningar. Uttale skal merkast med arkivsak 26/9291, og kan sendast via skjema på kommunen sine heimesider, per sikker digital post eller post til Stad kommune, Rådshusvegen 11, 6770 Nordfjordeid.

Frist for å kome med uttale er sett til 06.12.2026.

Vidare planprosess
Når høyringsfristen er ute, vil kommunedirektøren samanfatte innkomne uttalar og vurdere desse før planforslaget vert lagt fram for sluttbehandling og vedtak. Råka naboar og grunneigarar får tilsendt kunngjering etter vedtak.