Datahjelp og opplæring

Treng du hjelp med mobil, nettbrett eller datamaskin? Det er fleire faste tilbod:

• Datahjelp for alle: kvar måndag kl. 12.30–15.00.
  Påmelding på SMS til 934 72 828 eller 971 84 745 fredagen før.
• Datastove: nybyrjaropplæring for personar over 65 år, kvar onsdag kl. 11.00–14.00. Vi har utstyr for utlån! 
  Påmelding på tlf. 905 84 220.
• Seniornett Eid: datakafé kvar torsdag kl. 11.30–15.00. Seniornett har eit eige program for datakaféane resten av året. Felles lunsj kl. 13.00 med gratis kaffe og te.
  Program:
  22.10: Rydding av e-post, 29.10: Regionsamling Sandane, 5.11 Slektsgransking, 12.11 Musikk på YouTube, 19.11: VR-briller, 26.11 Sende pakkar til jul
  3.12 Julebrev, 10.12 Avslutning med hygge

Stad: Frivilligsentralen / Stad bibliotek

Digitale foredrag med SeniorUni

På måndagar kan du kombinere datahjelp med eit digitalt foredrag frå SeniorUni. Føredraga tek opp ulike aktuelle og spennande tema, og det blir enkel servering.

SeniorUni er ei strøymeteneste som alle kan abonnere på. Stad bibliotek og frivilligsentralane har også eit abonnement som kan brukast til strøyming på institusjonar. 

Les meir om SeniorUni

SeniorQuiz kvar fredag

Kvar fredag kl. 11.30 møtest ein gjeng til SeniorQuiz på aktivitetsrommet ved Eid frivilligsentral. Her er det rom for både kunnskap, kaffiprat og ein triveleg start på fredagen.

Les meir om SeniorQuiz

Forfattarmøte og bokarrangement

• Fredag 6. november kl. 13.00–14.00: FredagsForfattar med Margaret Heldor frå Stryn “Jeg vil ikke slutte å tenke”. Gratis inngang, enkel servering.
  Arr. kan kombinerast med SeniorQuiz.
• Fredag 4. desember kl. 13.00–14.00: FredagsForfattar med Eid sogelag. Dei presenterer Sogeskrift for Eid 2026 og det nyaste bindet av Bygdebok for Eid.

Les meir om FredagsForfattar med Margaret Heldor

Familielaurdagar for store og små

Laurdagane 31. oktober og 28. november, begge dagane kl. 11.00–14.00, blir det familielaurdag. Her kan born og vaksne gjere aktivitetar saman og få med seg underhaldning. Det blir gratis vaflar, saft og kaffi.

Familielaurdagane er eit samarbeid mellom Stad kino, Stad bibliotek og Eid frivilligsentral. Meir informasjon kjem.

Klebytedag i november

Laurdag 14. november kl. 11.00–14.00 inviterer Eid frivilligsentral og Naturvernforbundet til klebytedag. Ta med klede du ikkje brukar lenger, og sjå om du finn noko nytt. Meir informasjon kjem.

Dagkino og Kinovenn

Enkelte måndagar kl. 13.00 viser Stad kino kvalitetsfilmar for vaksne. Filmane blir annonserte i programmet til Operahuset Nordfjord.

Stad kino prøver også ut ordninga Kinovenn for personar som treng følgje for å kome seg på kino. Ta med deg nokon som elles kanskje ikkje kjem seg ut åleine, så betalar kinoen for billetten din. De treng ikkje ledsagerbevis. Billettane ordnar de i skranken når de kjem.

Ordninga kan passe godt for til dømes besøksvener i Røde Kors eller medlemmar i pensjonistlag som ønskjer å ta med nokon på kino.